PSE માર્ગદર્શન

 PSE માર્ગદર્શન 

આજ રોજ અમારી શાળામાં ધોરણ 6 માં અભ્યાસ કરતાં વિદ્યાર્થીઓ માટે આગામી 26/02/2022ના રોજ જે  PSE પરીક્ષા લેવાનાર છે તે અંગે જરૂરી માર્ગદર્શન શાળાના શિક્ષકશ્રી ચિરાગભાઈ અને શાળાના મુખ્ય શિક્ષક શ્રી વીરાભાઈ પટેલીયા દ્વારા આપવામાં આવ્યું.

આજે ધોરણ 6 ના જે વિદ્યાર્થીઓએ  PSE  ના ફોર્મ ભર્યા હતા તેમને હોલ ટિકિટ આપવામાં આવી. PSE ની  પરીક્ષા OMR દ્વારા લેવામાં આવે છે અને ધોરણ 6 ના વિદ્યાર્થીઓએ આજ સુધી આવી કોઈ પરીક્ષા આપી ન  હોય તેથી એ સ્વાભાવિક છે કે તેમના મનમાં ઘણા પ્રશ્નો હોય કે OMR થી કેવી રીતે પરીક્ષા આપવી ? વિદ્યાર્થીઓની આ મૂંઝવણ દૂર કરવા માટે તેમને બધાને એક નમૂનારૂપ OMR શીટ આપવામાં આવી  જેથી તેઓ જાતે પ્રેક્ટિસ કરી શકે. આ OMR શીટ કેવી રીતે ભરવી તેની સંપૂર્ણ માહિતી ચિરાગભાઈ દ્વારા આપવામાં આવી. 

::::: માર્ગદર્શનના મુખ્ય મુદ્દાઓ :::::::

1. OMR શીટમાં પોતાનો શીટ નંબર કેવી રીતે લખવો ?
2. OMR  શીટમાં પોતાના શીટ નંબરના વર્તુળને કેવી રીતે ઘૂંટવું ?
3. શીટ નંબર ઘૂંટતા કઈ કઈ બાબતો ધ્યાનમાં રાખવી ?
4. omr શીટમાં પોતાની સહી ક્યાં અને ક્યારે કરવી ?
5. પ્રશ્નોનાં જવાબ કેવી રીતે આપવા ?
6. પ્રશ્નોનો જવાબ ન આવડે તો શું કરવું અને શું ન કરવું ?
7. કઈ કઈ સ્થિતિમાં તમારી omr રદ થઈ શકે તેથી કઈ કઈ ભૂલો omr માં ન કરવી ?
8. માસ્ક અને પાણી બોટલ સાથે લઈ જવી.
9. મોબાઈલ ન લઈ જવો.
10. પેન કેવી અને કેટલી લઈ જવી ?
11. પરીક્ષા સ્થળ પર કેટલા વાગ્યા સુધીમાં પહોંચી જવું ?
12. પરીક્ષા સ્થળ પર પહોંચીને સૌથી પહેલા શું કરવું અને શું ન કરવું ?
13. પરીક્ષાખંડમાં શું કરવું અને શું ન કરવું ?
14. આ બે દિવસ પરીક્ષાની કેવી રીતે તૈયારી કરવી અને સમયનો સદઉપયોગ કેવી રીતે કરવો ? 

છેલ્લે શાળાના મુખ્ય શિક્ષક શ્રી વીરાભાઈ પટેલીયા દ્વારા વિદ્યાર્થીઓના ઉત્સાહમાં વધારો કરવા બે શબ્દો કહેવામાં આવ્યા. 

::::::::: માર્ગદર્શન આપતી વખતના થોડા ફોટાઓ ::::